Pronarët e Tottenhamit investojnë mbi 100 milionë euro në klub

Futboll

Gazeta Express

09/10/2025 19:08

Pronarët kryesorë të Tottenham Hotspur kanë injektuar 100 milionë paund kapital të ri në klub.

Spurs njoftojnë se ky investim do të “forcojë më tej pozicionin financiar të klubit dhe do t’i pajisë ekipin drejtues me burime shtesë për të vazhduar fokusin drejt suksesit sportiv afatgjatë”.

Grupi i investimeve Enic, i cili administrohet nga Lewis Family Trust, zotëron një shumicë prej 86.58% të Tottenham, ndërsa 13.42% e mbetur i përket një grupi investitorësh minoritarë.

Ish-kryetari Daniel Levy zotëron 29.88% të Enic, por nuk ka asnjë përfshirje direkte me klubin që nga largimi i tij nga pozita në shtator.

Shumica e Enic më parë ishte në pronësi të biznesmenit britanik Joe Lewis, por në vitin 2022 ai ia dorëzoi pronësinë Lewis Family Trust dhe nuk ka më lidhje me klubin.

Familja Lewis ka qenë në krye të shumë ndryshimeve hierarkike te Tottenham gjatë muajve të fundit, dhe deklarata e klubit shton se “ky kapital shtesë është pjesë e angazhimit të vazhdueshëm të familjes Lewis ndaj klubit dhe të ardhmes së tij”.

Një burim pranë familjes tha: “Ky është financim fillestar shtesë. Teksa menaxhmenti i klubit vendos se çfarë nevojitet për të arritur suksesin, më shumë para do të jenë në dispozicion. Familja Lewis është e përkushtuar të mbështesë klubin për të qenë i suksesshëm.”

Që nga largimi i Levy-t janë shfaqur tre interesime për të marrë kontrollin e Spurs.

I fundit është bërë nga sipërmarrësi amerikan në fushën e teknologjisë, Brooklyn Earick, i cili përjashtoi mundësinë e një oferte zyrtare për marrjen e klubit, pasi Tottenham insiston se klubi nuk është në shitje.