Është publikuar programi i plotë i festivalit të Teatrove në Ferizaj i cili këtë vit shënon edicionin e 52-të me radhë.
Më 1 tetor luhet shfaqja “Memorandumi” nga Vaclav Havel me regji të Agon Myftarit dhe është prodhim i Teatrit ‘Adriana’. Dita e dytë e festivalit vazhdon me shfaqjen “Deni Deti i thellë i kaltër” më autor John Patrick Schanley dhen regji të Ana Bateva, shfaqja është prodhim i Teatrit “Bekim Fehmiu”.
“Ora e Vdekjes” luhet në ditën e tretë të festivalit me autore Ulpianë Maloku dhe Agnesa Mehanolli përderisa regjinë e shfaqjes e ka bërë Ilir Bokshi. Shfaqja është prodhim i Artpolis dhe Bokshi Thatre Company.
Shfaqja e Jeton Nezirajt “Babai dhe babai” e mban vazhdën e ngjarjeve të 3 tetorit në festival. Regjinë e shfaqjes e ka bërë Kushtrim Koliqi dhe është prodhim i ‘Integra-s’.
Tjetra shfaqje e cila pati bujë të madhe edhe në arenën ndërkombëtare është “The Handke Project” e cila merr pjesë në festival ditën e katërt të tij. Shfaqja është prodhim i Qendrës Multimedia, me autor Jeton Nezirajn dhe regji të Blerta Nezirajt.
“Viganët” luhet ditën e pestë me dramaturg Visar Krushën dhe regji të Ilir Bokshit, ky projekt është prodhim i Teatrit të Gjilanit.
Dita e parafundit i takon shfaqjes “Mjekimi” nga Enda Wlash me regji të Qazmedin Nuredinit.
Krejt në fund vjen shfaqja “Koleksionisti i Syve” me autor Ag Apollonin e regji të Ben Apollonit. Shfaqja është prodhim i Teatrit Kombëtar të Kosovës.
Festivali i Teatrove në Ferizaj nisë më 1 tetor dhe mbyllet më 7 tetor.
/Gazeta Express