Programi i edukimit në GKK për muajin tetor

Arte

Gazeta Express

03/10/2024 14:57

Galeria Kombëtare e Kosovës ndanë programin e edukimit për muajin tetor. Në kuadër të ekspozitave “Dren Maliqi – Spatwerk” dhe “Nga Koleksioni: Kur qeniet takohen”, do të promovohet rëndësia e ngritjes së dialogut dhe ndarjes së pikëpamjeve të ndryshme ndërsa ekspozohen veprat e artit në katin e perdhesë dhe të parë të galerisë.

GKK fton në pjesëmarrje të këtyre udhërrëfimeve për të kuptuar më shumë kontekstet dhe rrëfimet e të dyja ekspozitave, ndërsa do të interpretohen teknikat, stilet dhe konceptet e artistëve.

Kjo është një mundësi e shkëlqyer për këdo që dëshiron të përfshihet në diskutime rreth temave që trajtojnë ekspozitat, përmes shkëmbimit të njohurive dhe përvojave mes udhërrëfyesve në ekspozitë dhe vizitorëve të tjerë.