Profesori i studimeve islame përmend hajmalinë pas mosmarrëveshjeve LDK-VV


Gazeta Express
8 Dhjetor 2019 22:32

Edhe profesori i studimeve islame, Xhabir Hamiti, e ka kritikuar mosarritjen marrëveshjes për koalicion mes LDK’së dhe Vetvëendosjes, menjëherë pasi u certifikuan zgjedhjet e 6 tetorit.

Hamiti ka shkruar se në Kosovë nuk ka luks për të bërë kushtëzime për pozita udhëheqëse. Ai tutje ka përmendur raste të mëhershme kur akterët politikë nuk kanë arritur të merren vesh, e është dashur të ndërhyjnë ndërkombëtarët për të ndarë pozita shtetërore, shkruan Gazeta Express.  

Shkrimi i plotë i Hamitit;

VENDI DHE SHOQËRIA E JONË NUK E KA AS FIJEN MË TË VOGEL TË LUKSIT QË TË SHTYJË KONSTITUIMIN E INSTITUCINEVE QEVERISËSE

Kosova nuk e ka luksin as më të vogël me vrapua pas apetiteve për të marr e kushteyuar pozita udhëheqëse në vendin tonë. Kjo sjellje tregon një papjekuri dhe papërgjegjësi totale në vazhdim. Fatkeqësisht, ne jo vetëm tash, por edhe në të kaluarën nuk kishim mundur me ra në ujdi mes vete sikur të mos ishin ndërhyrjet e miqve ndërkombëtar.

Prandaj, vetëm falë prezencës ndërkombëtare ne kemi arritur që deri më sot të zhvillojmë zgjedhje e të konstituojmë institucione, e shumë herë me vështirësi të mëdha.

Nga vrojtimi i mentalitetit dhe zhvillimit të ngjarjeve politike në vend rezulton se, pa prezencën e ndërkombëtarëve, ne jo që nuk do të kishim krijuar institucione qendrore, por në vend të tyre do të krijonim provinca brenda Kosovës, udhëheqësit e të cilave do të grindeshin e luftonin mes vete për kontroll dhe supermaci…!

E pse kjo ndjenje e bajraktarizmit kaq e theksuar tek ne në përgjithësi, shpeshherë edhe e sëmurë ?!

Thotë njeri, për me ndryshua këtë mentalitet mos po ndikon me ua shkrua ndonjë hajmali këtij mileti, por e keqja është se unë vet nuk besoj në to fare, me i fry ndokujt qysh po i fryjnë do sehirxhi as atyre nuk po mundem me ju besuar, por as me sjell Jezusin edhe kjo po duket se është e pamundur!!!

E vërteta është se asnjëra prej këtyre që u përmenden më lartë, prej që ekziston historia njerëzore nuk i kanë ndihmuar asnjë populli.

Vetëm ndërgjegjja, sinqeriteti, dashuria për vendin, respektimi i ligjit dhe përgjegjësia dhe ndjenja kolektive e qon përpara një shoqëri dhe e konsolidon një vend dhe një shtet.

Nuk kemi shume kohe per tu kendellur e vetedijesuar, jemi ne zgripc !

Te fundit


Kthehu lart