Probleme te Irlanda e Veriut para ndeshjes me Kosovën, sulmuesi kryesor largohet nga ekipi kombëtar

Sport

Gazeta Express

23/09/2022 17:40

Kyle Lafferty është larguar nga skuadra e Irlandës së Veriut pasi u shfaq një video e tij, ku shihej duke bërë sharje sektare.

35-vjeçari u filmua në një sherr me një burrë në një klub nate, i cili i kërkoi një foto përpara se t’i drejtohej me fjalën: “lart Celts”, transmeton Gazeta Express.

Kësisoj, Lafferty akuzohet se ka përdorur një term sektar ndaj tifozit të Celticut.

Federata e Futbollit e Irlandës së Veriut njoftoi për largimin e tij, teksa bëri të ditur edhe se klubi ku aktivizohet sulmuesi, Kilmarnock FC, tashmë ka nisur hetimet ndaj tij, pasi video u shpërnda në rrjetet sociale.

Kësisoj, sulmuesi kryesor i irlandezëve nuk do të luajë në dy ndeshjet e fundit në Ligën e Kombeve, kundër Kosovës (24 shtator) dhe Greqisë (27 shtator).

Lafferty nuk kishte stërvitur që nga e marta me Irlandën e Veriut, pasi ai gjithashtu po vuante nga një lëndim i vogël i shpinës.

Kyle Lafferty ka regjistruar në total 80 paraqitje me Kombëtaren A, teksa ka shënuar 20 gola.

Gjatë karrierës së tij, ai ka luajtur edhe te klubet e njohura si: Burnley, Rangers, Palermo, Norwich City, Rizespor, Birmingham City, Sunderland, Sion e Reggina. /Gazeta Express/