“Pritja”, detaje rreth filmit mbi jetën e Ferdonije Qerkezit - Gazeta Express

“Pritja”, detaje rreth filmit mbi jetën e Ferdonije Qerkezit

Arte

Gazeta Express

11/11/2021 19:45

Prej muajsh kanë nisur xhirimet e projektit “Pritja”, një film që do të përshkruajë jetën e Ferdonije Qerkezit.

Xhirimet e këtij filmi veçse kanë mbaruar pak javë më parë, gjersa besohet se do ketë premierën këtë vit.

Lexo Edhe:

Filmi, i metrazhit të shkurtër, trajton gjendjen e nënës nga Gjakova por edhe të shumë personave të tjerë të cilët i kanë më të dashurit e tyre të zhdukur.

Lidhur me filmin, producenti Edi Kastrati, në një intervistë për Telegrafin ka theksuar se nëpërmjet filmit tentojnë të ringjallin ngjarjen edhe pas kaq shumë vitesh.

Ai tutje bëri me dije se projekti ka për qëllim të transmetojë një realitet të hidhur të vendit e popullit tonë.

“Mesazhi që kemi dashur ta përçojmë përmes këtij filmi është një realitet i hidhur i vendit tonë i popullit tonë, i familjarëve të të zhdukurve, ky është mesazhi kryesor. Filmi ka në vete edhe momente shumë prekëse ku besoj që do keni rastin të vini edhe ta shihni kur të është gati. Do të tregojmë se çfarë do të thotë të presësh për shumë e shumë vite”, tha Kastrati.

Theksojmë që roli kryesor dhe i vetmi i filmit “Pritja” i është besuar aktores së mirënjohur, Arta Muçaj, e cila interpreton nënën Ferdonije.

Nga ana tjetër, edhe Qerkezi nuk i humb shpresat se ky film do të jetë shtysë që të zbardhet fati i të pagjeturve.