Prishtina në epërsi pas pjesës së parë ndaj Llapit

Futboll

Gazeta Express

15/02/2026 18:53

Prishtina po i bën konak Llapit në kryeqytet, në kuadër të xhiros së 20-të në Superligën e Kosovës.

Pas 45 minutave të parë, është skuadra e drejtuar nga Afrim Tovërlani që është duke fituar.

Prishtina po fiton 2-1 ndaj Llapit, duke u kthyer nga disavantazhi prej 1-0, me dy gola të shpejt.

Llapi e hapi serinë e golave në minutën e shtatë, me Fiton Ademin që shënoi për 1-0.

Megjithatë, Prishtina nuk u dorëzua dhe shtoi sulmet në drejtim të portës së Llapit.

Sulmet u konkretizuan në gola, në minutat 35’ dhe 37’.

Fillimisht shënoi Valmir Veliu, me një goditje të bukur, e pastaj pas dy minutash, rrjetën e golit e gjeti Mario Ilievski.

Momentalisht, Prishtina ka 36 pikë, aq sa ka edhe Ballkani, me një ndeshje më pak.

Ndërkohë, Llapi me këtë rezultat është i shtati në tabelë me 22 pikë./GazetaExpress/