Prishtina me fitore të thellë kundër Suharekës – kalon në çerekfinale të Kupës së Kosovës

Futboll

Gazeta Express

12/02/2025 19:13

Prishtina ka fituar me një rezultat të thellë dhe bindës kundër Suharekës për të kaluar kështu në fazën çerekfinale të Kupës së Kosovës.

Ata kanë mposhtur Suharekën me rezultat 4-0.

Skuadra nga kryeqyteti mposhti në 1/8 e finales skuadrën e Suharekës, me rezultat të thellë 4-0, në ndeshjen e cila u zhvillua në stadiumin “Fadil Vokrri”.

Sulmuesi francez, Axel Gnapi hapi serinë e golave në minutën e 16-të.

Në minutën e 31-të, Ardian Muja dyfishoi rezultatin.

Dy golat e tjerë për bardhëkaltërit i shënoi futbollisti Dion Gallapeni, në minutat 79’ dhe 88’.

Prishtina në çerekfinaleve iu bashkua skuadrave tjera si: Vëllaznimi, Llapi, Drita, Malisheva e Drenica.

Ndërkohë nesër mësohen dy skuadrat e fundit, ku Ferizaji përballet me skuadrën e Rilindja ‘1974 dhe Feronikeli ‘74 – Prishtina e Re.