Presidentja Osmani i ndan Medaljen Presidenciale të Meritave deputetes britanike, Alicia Kearns: E palëkundur mbështeti sovranitetin e Kosovës

Lajme

Gazeta Express

16/02/2026 21:22

Presidentja e Kosovës, Vjosa Osmani, ka ndarë sot Medaljen Presidenciale të Meritave deputetes britanike, Alicia Kearns, si shenjë mirënjohjeje, siç thuhet në komunikatën e presidencës për përkrahjen e saj të palëkundur për sovranitetin e Kosovës dhe për angazhimin në promovimin e paqes dhe sigurisë në rajon.

Gjatë ceremonisë, Osmani theksoi kontributin e deputetes Kearns në ngritjen e vetëdijes ndërkombëtare mbi sfidat dhe rreziqet me të cilat përballet Kosova dhe Ballkani Perëndimor.

Ajo e cilësoi Kearns si një mike të madhe të Kosovës, duke theksuar se populli kosovar është mirënjohës për përkrahjen e saj të vazhdueshme dhe për kontributin e saj në forcimin e partneritetit ndërmjet Kosovës dhe Mbretërisë së Bashkuar.

Komunikata e plotë:

Presidentja Vjosa Osmani i ndan Medaljen Presidenciale të Meritave deputetes britanike, Alicia Kearns

Presidentja e Republikës së Kosovës, Vjosa Osmani, i ka ndarë Medaljen Presidenciale të Meritave deputetes britanike, znj. Alicia Kearns, në shenjë mirënjohjeje për mbështetjen e saj të palëkundur për sovranitetin të Republikës së Kosovës dhe përkushtimin e saj të palëkundur për paqe dhe siguri në Kosovë dhe në rajon.

Gjatë ceremonisë, Presidentja shprehu mirënjohje të thellë për angazhimin e vazhdueshëm të deputetes Kearns në ngritjen e vetëdijes për rreziqet dhe sfidat me të cilat përballet Kosova dhe i gjithë rajoni i Ballkanit Perëndimor. Me këtë rast, Presidentja Osmani e cilësoi deputeten Kearns si një mike të madhe të Kosovës, duke theksuar se populli i Kosovës është përzemërsisht falënderues për përkrahjen e saj të vazhdueshme, si dhe për kontributin në forcimin e partneritetit ndërmjet Kosovës dhe Mbretërisë së Bashkuar.