Presidenti palestinez mirëpret njohjen nga Mbretëria e Bashkuar: Hap i rëndësishëm

Lajme

Gazeta Express

21/09/2025 16:48

Presidenti palestinez Mahmoud Abbas, e ka mirëpritur njoftimin e Mbretërisë së Bashkuar se po e njeh shtetin palestinez, raporton CNN.

Abbas tha se njohja është “një hap i rëndësishëm dhe i domosdoshëm drejt arritjes së një paqeje të drejtë dhe të qëndrueshme” dhe do ta hapte rrugën për zbatimin e një zgjidhjeje me dy shtete, duke i lejuar Palestinës të jetojë krah për krah me Izraelin në “siguri, paqe dhe fqinjësi të mirë”.

Abbas tha se prioriteti i menjëhershëm është një armëpushim në Gaza, “hyrja e ndihmave, lirimi i të gjithë pengjeve dhe të burgosurve, [dhe] një tërheqje e plotë izraelite nga Rripi i Gazës”.