Prej sot edhe Kosova me App Store - Gazeta Express

AutoTech

Gazeta Express

21/04/2020 10:39

Prej sot edhe Kosova me App Store

AutoTech

Gazeta Express

21/04/2020 10:39

Lajm i mirë për të gjithë përdoruesit e produkteve të Apple. Prej sot edhe Kosova është bërë me dyqanin e vetë. Kjo do të thotë se shërbimet si Apple Music, Apple Arcade, Apple Podcasts do të jenë të disponueshme edhe në Kosovë – bashkë me pagesat dhe abonimet me kartelat bankare të Kosovës, të cilat tash do të funksionojnë.

Prej tani, aplikacionet e zhvilluesve të Apple do të jenë të qasshme edhe në Kosovë, Mal të Zi dhe Serbi. Specifikisht, Apple e ka zgjeruar dyqanin në 20 vende të reja, të cilat më parë ishin të “bllokuara” si rajone në App Store.

Zhvilluesit në 20 vende të reja të botës do të mund të ngarkojnë aplikacionet e tyre në dyqanin Apple App Store.

Apple kërkoi prej zhvilluesve të kyçen në llogaritë e tyre dhe të pranojnë marrëveshjen e re të licencimit, që aplikacionet e tyre të bëhen të aksesueshme në Kosovë.

Në lajmërimin e Apple, të lëshuar javë më parë, thuhej se zhvilluesit duhet të përditësojnë informacionin deri më 10 prill, duke lënë të kuptohet se nga ajo datë mund të fillonte lansimi i App Store për rajonet e reja.

Lansimi është bërë sot dhe kjo e dërgon numrin e vendeve në 155 ku App Store është i disponueshëm. Më poshtë gjeni listën e 20 vendeve të reja:

  • Afganistan
  • Gabon
  • Bregu i Fildishtë
  • Gjeorgji
  • Maldive
  • Serbi
  • Bosnje dhe Hercegovinë
  • Kamerun
  • Irak
  • Kosovë
  • Libi
  • Mali i Zi
  • Marok
  • Mozambik
  • Mjanmar
  • Nauru
  • Ruanda
  • Tonga
  • Zambia
  • Vanuatu