Pozita që ia cakton VV-ja Adelina Graincës, pas aderimit nga PDK - Gazeta Express

Lajme

Gazeta Express

13/04/2021 14:42

Pozita që ia cakton VV-ja Adelina Graincës, pas aderimit nga PDK

Lajme

Gazeta Express

13/04/2021 14:42

Në Kuvendin e Kosovës sot janë konstituar shtatë komisione parlamentare ndër ta edhe Komisioni për Punë të Jashtme dhe Diasporë.

Në mbledhjen e sotme janë bërë dy ndryshime, ndryshe nga lista e dërguar në Kuvend dhjetë ditë më parë.

Kryetari i këtij Komisioni, Haki Abazi ka njoftuar se në vend të deputetit Avni Dehari do të jetë deputetja e re e Vetëvendosjes, Adelina Grainca, e cila para ca kohëve kaloi nga PDK-ja në VV.

Abazi ka njoftuar edhe një ndryshim nga grupi i deputetëve të LDK-së.

Në vend të Arben Gashit, pjesë e këtij komisioni do të jetë Kujtim Shala.

Pjesë e këtij komisioni janë edhe Xhavit Haliti, Branislav Nikoliq, Dimal Basha, Gazmend Gjyshinca, Fitore Pacolli, Ariana Musliu-Shoshi e Time Kadriaj.