Policia i vë prangat 17-vjeçarit në Kukës, lëvizte me kallashnikov dhe tmerronte banorët - Gazeta Express

Shqiperi

Gazeta Express

15/01/2022 9:40

Policia i vë prangat 17-vjeçarit në Kukës, lëvizte me kallashnikov dhe tmerronte banorët

Shqiperi

Gazeta Express

15/01/2022 9:40

Policia e Kukësit ka arrestuar një 17-vjeçar, pasi lëvizte me kallashnikov me vete.

Njoftimi i plotë:

Lexo Edhe:

Kukës/Vijojnë kontrollet për rritjen e parametrave të sigurisë.

Lëvizte në drejtim të Shishtavecit, me kallashnikov me vete, falë bashkëpunimit me qytetarët dhe ndërhyrjes profesionale të shërbimeve të Policisë, kapet dhe vihet në pranga 17-vjeçari.

Sekuestrohen arma e zjarrit kallashnikov dhe fishekë luftarak.

Shërbimet e Komisariatit të Policisë Kukës, si rezultat i kontrolleve blic për kapjen e personave në kërkim dhe atyre që qarkullojnë me armë zjarri pa leje,   bazuar dhe në informacionet e siguruara nga qytetarët, se një adoleshent qarkullonte me armë zjarri, kanë organizuar punën për lokalizimin dhe kapjen e tij.

Në drejtim të fshatit Shishtavec, shërbimet e Policisë kanë konstatuar duke ecur shtetasin e mitur B. P. Pas ndërhyrjes profesionale për të mos krijuar reagime apo dëmtime të palëve, është bërë kapja dhe arrestimi i 17-vjeçarit, i cili mbante me vete një armë zjarri kallashnikov me karikator me fishekë.

Materialet hetimore u referuan në Prokurorinë e Rrethit Gjyqësor Kukës, për veprime të mëtejshme, për veprën penale “Armëmbatja pa leje”.