Policia gjermane arreston tre burra që dyshohet se ishin të Hamasit e që po planifikonin sulme në Gjermani

Lajme

Gazeta Express

01/10/2025 17:45

Gjermania ka arrestuar tre burra të dyshuar se ishin anëtarë të Hamasit dhe planifikonin një sulm terrorist ndaj një lokacioni hebre dhe izraelit në Gjermani, tha prokurori federal i vendit në një deklaratë.

Burrat – dy shtetas gjermanë dhe i treti i përshkruar vetëm si i lindur në Liban – dyshohet se ishin të përfshirë “në sigurimin e armëve të zjarrit dhe municioneve” për të kryer “sulme ndaj institucioneve izraelite dhe hebraike në Gjermani”.

Një pushkë sulmi AK-47 dhe disa armë zjarri u gjetën me ta, tha prokurori, shkruan The Guardian, transmeton Gazeta Express.