Policia e Kosovës publikon fotografinë e të dyshuarit për zjarrvënie, kërkon ndihmën e qytetarëve për identifikim

Lajme

Gazeta Express

29/07/2025 9:00

Drejtoria Rajonale e Policisë në Mitrovicën e Jugut, me autorizimin e Prokurorit të Prokurorisë Themelore në Mitrovicë, ka publikuar fotografinë e një personi të dyshuar për veprën penale “Zjarrvënie”. Policia kërkon bashkëpunimin e qytetarëve dhe mediave për identifikimin dhe lokalizimin e tij.

Në njoftimin zyrtar, Policia e Kosovës apelon te të gjithë qytetarët e Republikës së Kosovës që, nëse kanë ndonjë informacion që lidhet me identitetin apo vendndodhjen e personit të kërkuar, të lajmërojnë menjëherë autoritetet.

Informacionet mund të raportohen përmes:

• Stacioneve më të afërta policore
• Numrit emergjent 192
• Numrit të Drejtorisë Rajonale Mitrovicë Jugu: +383 (0)28 532 366
• Aplikacionit “Lajmëro Policinë”
• Email: [email protected]