Policia “blindon” Beratin, dhjetëra efektivë në rrugë, në fokus parandalimi i ngjarjeve kriminale - Gazeta Express
string(93) "policia-blindon-beratin-dhjetera-efektive-ne-rruge-ne-fokus-parandalimi-i-ngjarjeve-kriminale"

Shqiperi

Gazeta Express

29/08/2025 8:25

Policia “blindon” Beratin, dhjetëra efektivë në rrugë, në fokus parandalimi i ngjarjeve kriminale

Shqiperi

Gazeta Express

29/08/2025 8:25

Policia e Beratit ka “blinduar” mbrëmjen e sotme rrugët e qytetit, duke ngritur postblloqe të shumta në hyrjet e daljet e tij dhe në çdo kryqëzim.

Sektori i qarkullimit rrugor ka hartuar një plan të detajuar masash, duke vendosur pika të shumta kontrrolli  në rrugët e qytetit.

Shefi i Seksionit të Qarkullimit Rrugor të qarkut Berat, Gramoz Lala bën me dije se kontrollet e ndërmarra sot kanë si qëllim parandalimin e ngjarjeve kriminale, kapjen e personave në kërkim si dhe rritjen e sigurisë rrugore.

Në pikat e kontrollit përveç efektivëve të sektorit të qarkullimit rrugor, kanë qenë edhe inspektorët e krimeve dhe trafiqeve në DVP Berat.

Në të gjitha automjetet që janë ndaluar në këto postblloqe, janë bërë kontrolle të imtësishme për drogë e armë, ndërkohë që janë kontrolluar edhe personat që drejtonin automjetetet për tu verifikuar nëse janë persona në kërkim në Berat apo në qytete të tjera të vendit./