Policia arreston të kërkuarin për ngacmim, dërgohet në vuajtje të dënimit

Lajme

Gazeta Express

17/06/2026 12:46

Policia e Kosovës, ka njoftuar se është arrestuar një person i kërkuar dhe i dënuar me 1 vit burg për ‘ngacmim’ në Prizren.

Policia ka shtuar se, i arrestuari fillimisht është sjellë në Stacionin Policor Prizren dhe më pas është dërguar në burg për vuajtjen e dënimit.

Postimi:

Arrestohet një person i kërkuar dhe i dënuar me një (1) vit burg për ‘ngacmim’ në Prizren

Prizren, 17 qershor 2026

Me datën 16 qershor 2026, policët e njësitit për realizimin e urdhëresave të Stacionit Policor Prizren, pas veprimeve operative–hetimore, kanë arritur të lokalizojnë dhe të arrestojnë të dyshuarin, i cili ka qenë në kërkim pasi ishte dënuar një (1) vit burg efektiv me vendim të plotfuqishëm të Gjykatës Themelore të Prizrenit.

I arrestuari është dënuar për veprën penale ‘ngacmim’ nga neni 184, i KPRK-së.

Personi i arrestuar fillimisht është sjellë në Stacionin Policor Prizren dhe më pas është dërguar në burg për vuajtjen e dënimit.

Policia e Kosovës mbetet e përkushtuar në zbatimin e ligjit dhe garantimin e sigurisë publike, duke ndërmarrë veprime të vazhdueshme për identifikimin dhe arrestimin e personave të kërkuar, si dhe për parandalimin e veprave penale që cenojnë shëndetin dhe mirëqenien e qytetarëve