Polemikë e madhe në Evropë, UEFA mbron kartonin e kuq të Kellyt ndaj Galatasarayt

Sport

Gazeta Express

26/02/2026 16:19

Eliminimi i Juventus FC ndaj Galatasaray SK u shoqërua me polemika të mëdha pas kartonit të kuq të Lloyd Kelly në minutën e 48-të.

Bardhezinjtë kishin rikuperuar disavantazhin dhe e çuan sfidën në vazhdime me rezultat të përgjithshëm 5-2, por inferioriteti numerik ndikoi në rënien e tyre. Në kohën shtesë, golat e Victor Osimhen dhe Barış Alper Yılmaz vulosën përmbysjen.

Arbitri João Pinheiro fillimisht dha karton të verdhë, por pas rishikimit me VAR e përjashtoi mbrojtësin anglez. UEFA e justifikoi vendimin duke theksuar se ndërhyrja rrezikonte sigurinë e kundërshtarit, megjithatë tifozët dhe opinioni sportiv e konsideruan të tepruar.

Kelly do të pezullohet për dy ndeshje sezonin e ardhshëm, ndërsa polemikat rreth vendimit vazhdojnë të jenë të forta në Evropë. /GazetaExpress