Patrizia Cavalli (1947 – 2022), poete, prozatore dhe përkthyese italiane.
Patrizia Cavalli Ka botuar disa përmbledhje të suksesshme pranë shtëpisë Einaudi, si: ‘Le mie poesie non cambieranno il mondo’ (1974); ‘Il cielo’ (1981); ‘L’io singolare proprio mio’ (1992). Më 1992 këto tri përmbledhje botohen në një vëllim të vetëm ‘Poesie (1974-1992)’. Përsëri tek Einaudi boton ‘Sempre aperto teatro’ (1999, Premio letterario Viareggio-Repaci); ’Pigre divinità e pigra sorte’ (2006, Premio Dessì); ‘Datura’ (2013) dhe ‘Vita meravigliosa’ (2020).
Prova e saj e vetme narrative është përmbledhje e prozave ‘Con passi giapponesi (2019), fituese e Premio Campiello.
Për Einaudin po ashtu ka përkthyer ‘Anfitrione’ e Molièrit dhe ‘Ëndrra e një nate vere’ të Sheksiprit, nga i cili ka përkthyer edhe ‘Otellon’.
Më 2012, me kantautoren Diana Tejera ka realizuar librin/disk ‘Al cuore fa bene far le scale’, të botuar nga Voland/Bideri.
[SIKUR TI TANI TË TROKISJE NË DERËN TIME]
Sikur ti tani të trokisje në derën time
dhe t’i hiqje syzet
dhe unë t’i hiqja të miat që janë të njëjta
e pastaj ti të hyje brenda gojës ime
pa iu tutur puthjeve të pabarabarta
dhe të më thoshe: «Loçka ime,
po çka ka ndodhur?», do të ishte një pjesë
teatri e suksesshme.
***
Teatri i suksesshëm i dëshirave
Veç kërkesa për ndjeshmëri e ‘mëkate’ e shndërron një poezi romantike në ndjeshmëri ngjitur për leximi. Mbase nuk dihet kujt po i kërkohet një favor i tillë ama dihet kush po e kërkon një të tillë.
“Dhe t’i hiqje syzet – dhe unë t’i hiqja të miat që janë të njëjta”, një detaj i cili kalon në intimitet që nuk e verën secili sepse jashtë gjërave që botërisht njihen si romantike ka diçka romantike tjetër që na vjen pak më natyrshëm e kuptohet pak më ndryshe.
Pastaj kërkesa shndërrohet në pak vargje, vargjet shndërrohen në thirrje dashurie, thirrja e dashurisë kthehet në intimitet e krejt në fund mblidhen bashkë në hark e krijojnë një rotacion të tillë që përsëritet e nuk ka fund.
Mandej nëse do të arrihet një triumf nga kërkesa e autores do të kemi ‘një pjesë teatri të suksesshme’, mbase jo një fund të lumtur por një pjesë po.
“Sikur-i” gjatë rrugës merr formë të dëshirës pa përmbajtje dhe në fund tregon rezultatin që mund të arrihet, i cili kalon mes përmes emocionit.
/D. Abazi
/Gazeta Express
Çdo shtëpi është një hapësirë që duhet të jetë komode dhe e organizuar, për të lehtësuar jetën tonë të...