Shërbimi Spitalor Klinik dhe Universitar ka njoftuar se Komuna e Podujevës ka dhënë në shfrytëzim afatgjatë pronën e paluajtshme për ndërtimin e Spitalit të Përgjithshëm të Podujevës për Shërbimin Spitalor dhe Klinik Universitar të Kosovës, raporton Express.
Kontrata është nënshkruar sot nga drejtori i përgjithshëm i Shërbimit Spitalor dhe Klinik Universitar të Kosovës, Basri Sejdiu, dhe ushtruesi i detyrës së kryetarit të Komunës së Podujevës, Nexhmi Rudari.
Në ceremoninë e nënshkrimit të kësaj marrëveshjeje ka marrë pjesë edhe Ministri i Shëndetësisë, Armend Zemaj, dhe deputetët e Kuvendit të Kosovës që vijnë nga Komuna e Podujevës.
“Parashihet që ShSKUK të hartoj projektin zbatues dhe të ndërtojë objektin e ri të Spitalit të Përgjithshëm në Komunën e Podujevës, si dhe ndërmerr të gjitha veprimet e nevojshme për funksionalizimin e tij. Pas funksionalizimit, i njëjti organizohet, mirëmbahet, menaxhohet dhe administrohet nga SHSKUK, konform legjislacionit përkatës në fuqi”, thuhet në njoftimi.
Dashamirës të kuzhinës italiane në Prishtinë, përgatituni për të shijuar pasta, pica dhe sallata të shijshme, pasi Vapiano është...