“Platformë për zgjidhje problemesh”, Zvicra ofrohet për të ndihmuar në dialogun Kosovë -Serbi në bashkëpunim me emisarin

Lajme

Gazeta Express

14/11/2025 23:38

Alexandre Fasel, i cili është Sekretar Shteti i Departamentit Federal të Punëve të Jashtme të Zvicrës, ditën e sotme ka zhvilluar një takim me përfaqësuesin special të Bashkimit Evropian, Peter Sorensen.

Fasel, ka deklaruar se diskutimi me Sorensen ka qenë ‘’tejet i frytshëm’’, duke shtuar se përparimi mëtejshëm në normalizimin e marrëdhënieve ndërmjet Serbisë dhe Kosovës është thelbësor, shkruan Gazeta Express.

‘’Sot patëm një shkëmbim tejet të frytshëm me Përfaqësuesin Special të BE-së, Soerensen. Përparimi i mëtejshëm në normalizimin e marrëdhënieve ndërmjet Serbisë dhe Kosovës është thelbësor’’, ka thënë ai.

Më tej, Fasel ka deklaruar edhe se, shteti zviceran i mbështet fuqishëm përpjekjet e BE’së, duke ofruar platforma dialogu, ndërtimi besimi dhe zgjidhjeje problemesh.

‘’Zvicra mbështet fuqimisht përpjekjet e BE-së, duke ofruar platforma dialogu, ndërtimi besimi dhe zgjidhjeje problemesh, në bashkëpunim me Llogaria zyrtare e Përfaqësuesin Special të BE-së për Dialogun Beograd-Prishtinë’’, ka thënë ai.

Për këtë ka reaguar edhe vetë Sorenen, i cili ka falënderuar Fasel për mikpritjen, si dhe për diskutimin ‘’shumë të mirë’’.

‘’Faleminderit Fasel për mikpritjen dhe diskutimin shumë të mirë!’’, ka thënë Sorensen. /GazetaExpress

Excellent exchange today with EUSR Soerensen. Further progress in the normalization of relations between Serbia and Kosovo is essential. 🇨🇭 strongly supports EU's efforts, by offering dialogue, trust-building, and problem-solving platforms in cooperation with @EUSR_Dialogue pic.twitter.com/Jyy8BQ78T2

— Alexandre Fasel (@SwissMFAStatSec) November 14, 2025