Planet për armë me Ukrainën, Kremlini në panik paralajmëron Merzin e Gjermanisë: Provokim i rrezikshëm

Lajme

Gazeta Express

28/05/2025 16:51

Pas deklaratave të fundit të kancelarit gjerman Friedrich Merz, në lidhje me planet për prodhim të përbashkët me Ukrainën të armëve me rreze të gjatë, ka ardhur edhe një reagim i ashpër nga Rusia.

Zëdhënësi i Kremlinit, Dmitry Peskov, e ka cilësuar vendimin si një provokim të mëtejshëm në luftën në Ukrainë.

“Kjo është një prirje shumë e rrezikshme, një qëndrim i papërgjegjshëm që po mban Gjermania,”- ka thënë Peskov, raporton DW.

Kujtojmë se, Merz, gjatë konferencës për shtyp me presidentin ukrainas Volodymyr Zelensky, deklaroi se armët e prodhuara përmes këtij bashkëpunimi mund të përdoren për të goditur objektiva edhe brenda territorit rus.