Peshëngritësi iranian debuton sonte për Kosovën, mund ta fitojmë medaljen e parë botërore

Sport

Gazeta Express

09/10/2025 11:08

Kampioni Olimpik në “Rio 2016”, peshëngritësi, Kianoush Rostami, do të debutojë sonte për Kosovën.

Rostami ka zgjedhur të përfaqësojë vendin tonë në fillim të këtij viti, ndërsa momentalisht ndodhet në Forde të Norvegjisë, ku po mbahet Kampionati Botëror në peshëngritje.

Rostami do të garojë në kategorinë deri në 94 kg. Gara e tij nis në ora 19:30.

Kianoush e ka përfaqësuar Iranin deri në vitin 2022, por shkaku i mosmarrëveshjeve me Federatën e këtij vendi, ka vendosur të ndryshojë përfaqësim.

Derisa në Rio 2016 Kianoush fitoi medaljen e artë, katër vjet më herët në “Londër 2012” ishte stolisur me medaljen e argjendtë.

Ka edhe tri medalje botërore, dy të arta dhe një të argjendtë.

Bazuar në rezultatet e tij, ai është kandidat për të fituar medalje botërore për Kosovën. /Gazeta Express