Përveç Manastirit të Deçanit në Kosovë janë mbi 40 zona të veçanta të mbrojtura

Gazeta Express

18/08/2020 20:43

Ndërtimi i kësaj rruge brenda zonës së veçantë të mbrojtur në Deçan shkaktoi telashe të mëdha. Punimet këtu u pezulluan me kërkesë të kryeministrit, pas ankesës së Manastirit të Deçanit. Por, zona të tilla nuk ka vetëm në Deçan.

Të drejta të njëjta ka edhe Manastiri i  Graçanicës, që ndodhet vetëm 10 kilometra larg kryeqytetit.

E ndërtuar në vitin 1321, hapësira përreth saj njihet si zonë e veçantë nga Agjencia Kadastrale e Kosovës.

E si këto, janë edhe 42 objekte të tjera, shumica nga to janë manastire e kisha ortodokse, në gjithë territorin e Kosovës.

Të gjitha këto mbrohen me Ligjin për Zonat e Veçanta të Mbrojtura, i cili parasheh mbrojtjen e vlerave historike e kulturore të këtyre vendeve.

Ndërkohë, çështja e këtyre zonave u riaktualizua në kohën kur ka rifilluar dialogu mes Kosovës dhe Serbisë.

Sipas Hjrullah Cekut, këto zona paraqesin një rrezik permanent për vendin.

Deputeti i Lëvizjes Vetëvendosje, ka kritika sa i përket sjelljes së Kishës Ortodokse.

Edhe nga shoqëria civile kanë dyshime se serbët në procesin e dialogut, ku takimi i radhës do të ndodh në shtator  do të kërkojnë kompetenca më të mëdha të këtyre objekteve fetare e kulturore.

Demhasaj gjithashtu u shpreh kritik ndaj kryeministrit Avdullah Hoti për pezullimin e ndërtimit të rrugës Deçan Plavë, pas kërkesës së presidentit Serb, Aleksandër Vuçiq.