Përurohet shkolla e renovuar “Ahmet Gashi”, Rama: Pjesë e reformës për arsim cilësor

Lajme

Gazeta Express

17/09/2024 15:13

Kryetari i Prishtinës, Përparim Rama bashkë me Ambasadorin e Shteteve të Bashkuara të Amerikës,  Jeffrey Hovenier dhe Ministren për Arsim, Shkencë dhe Teknologji,  Arbërie Nagavci, kanë përuruar shkollën e renovuar “Ahmet Gashi”.

Me anë të një postimi në Facebook, Rama tha se renovimi i kësaj shkolle është një tjetër hap i madh i Kryeqytetit në përmirësimin e kushteve arsimore për nxënësit dhe mësimdhënësit tanë.

“Mësimi tërëditor, renovimi dhe ndërtimi i shkollave të reja janë pjesë e reformës dhe për transformimin e Kryeqytetit.”, aka shkruar ai.

Rama ka falënderuar ambasadorin amerikan për financimin e renovimit të kësaj shkolle dhe për mbështetjen e vazhdueshme të Shteteve të Bashkuara të Amerikës për Kryeqytetin dhe Republikën e Kosovës.