Orkestra e Filharmonisë vazhdon programin “Filharmonia në lëvizje” i cili në muajin prill mbahet në Gjakovë.
Në kuadër të programit “Filharmonia në lëvizje”, Orkestra e Filharmonisë do të mbajë koncert më 6 prill 2024 në Pallatin e Kulturës “Asim Vokshi”, prej orës 20:00.
Koncerti do të hapet me uverturën e operës “Cosi fan tutte” nga Mozarti. Në këtë program do të interpretohet edhe vepra “Odelette” nga Saint-Saëns, me solisten Zanë Abazi në flaut. Koncerti do të përmbyllet me interpretimin e Simfonisë Nr. 4 nga Schumanni. Koncerti do të dirigjohet nga Pëllumb Vula.