Përse nxjerrim një këmbë jashtë jorganit kur flejmë? 2 arsyet mjekësore

Keshilla Mjekësore

Gazeta Express

17/11/2021 21:57

Nuk është thjesht fiksim; Ka 2 arsye mjekësore përse nxjerrim një këmbë jashtë jorganit kur flemë. Të gjithë kemi përjetuar pagjumësi dhe, çuditërisht, mbajtja e një këmbë jashtë shtratit na ndihmon.

Misteri qëndron në faktin se temperatura ideale për një gjumë të mirë është 18 ° C dhe këmbët tona përpiqen të gjejnë këtë temperaturë.

Disa arsye të tjera pse e bëjmë këtë veprim janë:

Ndihmon në rregullimin e temperaturës së trupit tonë:

Këmbët tona janë në fakt mekanizma të përsosur ftohjeje. Sipas një eksperti të gjumit, ato përmbajnë një lidhje midis arterieve dhe venave, ndryshe nga çdo pjesë tjetër në trup, duke u zgjeruar kur është shumë nxehtë, duke lejuar më shumë gjak të arrijë në sipërfaqen e lëkurës për ta ftohur atë.

Gjithashtu, nuk ka qime në këmbë, kështu që ato qëndrojnë të freskëta gjatë gjithë natës. Si rezultat, temperatura e trupit tonë balancohet dhe ne mund të flemë më mirë.

Nxjerrja e njërës këmbë ju ndihmon të flini më shpejt

Për të fjetur, temperatura e trupit tonë duhet të ulet me 1-2 gradë. Kjo është arsyeja pse ne luftojmë për të qëndruar zgjuar kur është shumë nxehtë: trupat tanë luftojnë me mbinxehjen. Për këtë është thelbësore të mbajmë veten të ftohtë dhe mund të mjaftojë të nxjerrim një këmbë nga batanija. Sa më shpejt ta lejoni trupin tuaj të ftohet, aq më shpejt mund të flini gjumë.