Përleshje mes dy personave në Fushë-Kosovë pas një mosmarrëveshjeje në trafik

Lajme

Gazeta Express

04/03/2026 10:24

Dy persona dyshohet se janë përfshirë në një përleshje fizike si pasojë e një mosmarrëveshjeje në komunikacion në Fushë-Kosovë.

Sipas njoftimit të Policisë, rasti ka ndodhur të martën rreth orës 12:50, ku të dyshuarit pas një konflikti verbal në trafik, janë përleshur fizikisht mes vete.

Si pasojë e përleshjes, të dy personat kanë pësuar lëndime të lehta trupore, për çka kanë pranuar trajtim mjekësor.

Me vendim të prokurorit, të dyshuarit janë liruar në procedurë të rregullt, ndërsa rasti po vazhdon të trajtohet.