Përfshihet nga flakët e zjarrit një universitet në Itali, evakuohen studentë dhe pedagogë

Lajme

Gazeta Express

04/06/2025 13:27

Universiteti Viterbos në Itali, i ndodhur 80 kilometra larg Romës është përfshirë këtë të mërkurë nga flakët e zjarrit.

Sipas informacioneve të para, zjarri është përhapur nga soleta e Fakultetit të Bujqësisë, në godinën e të cilit po kryen punime.

Falë ndërhyrjes së menjëhershme godina u evakuua, pa u regjistruar asnjë lëndim te studentët dhe pedagogët.

Flakët, që filluan nga soleta gjatë punimeve, u përhapën shpejt, duke rrezikuar laboratorët e kimisë dhe gjenetikës ku ruheshin substanca shumë të ndezshme, përfshirë 500 litra cilindra me etanol dhe azot.

Njësitë e zjarrfikësve, me ndihmën e forcave të specializuara të ushtrisë, po punojnë intensivisht për fikjen e flakëve.

Incendio Università degli Studi della #Tuscia Facoltà di Agraria #Viterbo. Fiamme altissime, coltre di fumo nero. La pronta evacuazione ha scongiurato il peggio. Zona delimitata dalla Polizia di Stato. Vigili del Fuoco ed Esercito Italiano all'opera.#StefanoMariglianiPhotography pic.twitter.com/Xdtymkj5Gd

— Stefano Marigliani (@stemarigliani) June 4, 2025