Performancë artistike: Kori Siparantum – Arkivi i Arkivuar

Arte

Gazeta Express

23/03/2023 15:14

Kori Siparantum vjen për publikun me performancen artistike “Arkivi i Arkivuar” të shtunën me fillim nga ora 14:00.

“Arkivi i Arkivuar” është performancë unike artistike që eksploron temën e Luftës së Kosovës të vitit 1999. Koncepti i shfaqjes përqendrohet rreth idesë së arkivave, kujtesës dhe rëndësisë së ruajtjes të së kaluarës. Kori do të përdorë zërat e tyre për të treguar historitë e atyre që e përjetuan luftën dhe këngët e tyre do të shërbejnë si një kujtesë e qëndrueshmërisë së shpirtit njerëzor.

Me këtë rast, do të publikohet edhe katalogu i parë i Arkiv, i dedikuar ekspozitës së artistit të njohur Artan Hajrullahut, “Silence Took a Hold of the Rooms”, e cila ekspozitë shënoi edhe themelimin e Institutit të Parë të Artit Bashkëkohor në vend.

Performanca është e hapur për publikun.