PDK-ja me kërkesa ndaj Qeverisë për Ligjin e Rimëkëmbjes, në të kundërtën s'e voton - Gazeta Express

PDK-ja me kërkesa ndaj Qeverisë për Ligjin e Rimëkëmbjes, në të kundërtën s’e voton

Lajme

Gazeta Express

02/12/2020 7:35

Deputetja e Partisë Demokratike të Kosovës, Eliza Hoxha, ka thënë se partia ku bën pjesë voton Projektligjin për Rimëkëmbjen Ekonomike vetëm nëse pranohen kërkesat e tyre.

Hoxha tregoi edhe idetë e PDK-së për Rimëkëmbjen Ekonomike.

“Ne kemi propozuar së pari pako vetëm qeverisë Kurti dhe tashmë është rikthyer edhe në qeverinë Hoti por nuk është ndërmarrë asgjë”.

“Kjo pako mund të jetë gjithçka përveç Pako e Rimëkëmbjes Ekonomike, ne vazhdojmë të mendojmë se vetëm kur plotësohen kërkesat tona do ta votojmë”.

“Për ne është shumë me rëndësi që sektorit privat që është rënduar shumë dhe punëtorët që janë larguar nga puna të ndihmohen me grante”.

“Edhe mjekët e infermierët, policët të palodhshëm dhe pa pushim duhet të rimbursohen shtesë për punën dhe rrezikun që kanë pasë në ballafaqim me pandeminë”.

“Për trustin ne kemi dhënë dy ide – për përshkallëzim të tërheqjes së trustit për personat që nuk kanë vlerë të lartë në Trust për shkak të pagës dhe nëse nuk përfillet kjo njerëzit duhet të sigurohemi që t’u a kthejmë paratë pas një kohe”, tha ajo në Klan.

“Nëse pranohen kërkesat tona votojmë Rimëkëmbjen Ekonomike”, deklaroi Hoxha.