Pastruan 65 milionë euro, kush janë 3 shqiptarët që u arrestuan në Spanjë - Gazeta Express
string(72) "pastruan-65-milione-euro-kush-jane-3-shqiptaret-qe-u-arrestuan-ne-spanje"

Shqiperi

Gazeta Express

21/09/2023 19:58

Pastruan 65 milionë euro, kush janë 3 shqiptarët që u arrestuan në Spanjë

Shqiperi

Gazeta Express

21/09/2023 19:58

Zbulohen emrat e tre prej shqiptarëve të arrestuar në Spanjë gjatë një aksioni të Europol për goditjen e një organizate kriminale që merrej me trafikun e drogës dhe pastrimin e parave.

Sipas autoriteteve spanjolle, dy shqiptarë ishin në krye të organizatës kriminale, të cilët bashkëpunonin me mafiozë kinezë duke pastruar shuma të mëdha parash.

Lexo Edhe:

Mendohet që shqiptarët kanë pastruar rreth 65 milionë euro të grupeve kriminale, të cilat u transferoheshin nga kinezët përmes sistemit “hawala”.

Tre prej shqiptarëve të arrestuar janë Alketa Fejzulla, Adrian Xhafaj Fejzulla dhe Nexhmedin Danaj.

Në total gjatë operacionit janë arrestuar 27 persona, si dhe janë sekuestruar 615,000 euro “cash” dhe më shumë se 400,000 euro në ora, aksesorë dhe makina luksoze.

Tre arrestimet e para u kryen në një shtëpi në Madrid, ku agjentët gjetën edhe 65 kilogram kanabis.

Shtatë arrestime u kryen në Madrid, i njëjti numër në Malaga, gjashtë në Barcelonë, dy në Sevilje dhe nga një në Alicante dhe Valencia.

Kreu shqiptar i arrestuar akuzohet edhe për armëmbajtje pa leje si dhe marrjen peng e një prej “hawala”-ve, person që dorëzon paratë përmes sistemit jo-bankar pasi sigurohet se personi që do i marrë ka dhënë kodin përkatës.