Pas rezultateve të dobëta, ekipi i Premierligës e shkarkon trajnerin

Futboll

Gazeta Express

02/10/2022 17:59

Wolves e kanë shkarkuar trajnerin Bruno Lage pas 16 muajsh në krye pas humbjes së së shtunës nga West Ham United.

Wolves kanë fituar vetëm një dhe kanë humbur nëntë nga 15 ndeshjet e fundit të Premier League nën drejtimin e portugezit.

Lage pasoi Nuno Espirito Santo verën e kaluar dhe udhëhoqi Wolves në vendin e 10-të në sezonin e tij të parë në krye.

Megjithatë, skuadra e tij ka shënuar vetëm tre gola dhe ka marrë gjashtë pikë nga tetë ndeshje këtë sezon.

Vendimi ka ardhur pas takimeve të nivelit të lartë pas humbjes 2-0 të së shtunës në stadiumin e Londrës, e cila ngriti pyetje të reja mbi ish-trajnerin e Benfica-s. /Gazeta Express/