Sulmuesi i Paris Saint-Germain, Kylian Mbappe, i ka të gjitha që ta fitojë Topin e Artë, thotë Nicolas Anelka.
Lionel Messi dhe Cristiano Ronaldo kanë dominuar në botën e futbollit në dekkadën e fundit.
Por, karriera e tyre po shkon drejt fundit dhe një tjetër futbollist duhet të dalë për të rrëmbyer fronin.
Sipas legjendës së Realit e Chelseat, Nicolas Anelka, pa asnjë dyshim ai është Kylian Mbappe, njeriu që do të dominojë në botën e futbollit.
“Topi i Artë? Janë të vjetrit që të gjithë e dini dhe i njihni, Lionel Messi dhe Cristiano Ronaldo, por për mua, është Mbappe që i ka të gjitha për ta fituar Topin e Artë”, tha Anela.
“Ai është shumë i shpejtë, teknik. Ai ka kualitete të bëjë gjëra të mira. Ai e ka treguar këtë gjithmonë dhe e tregon në çdo ndeshje. Neymar është shumë i fortë gjithashtu, shumë i fortë”.
Mbappe, që është 21-vjeçar, tashmë e ka fituar Kupën e Botës, dhe ka shënuar me Francën në finale të 2018. /Gazeta Express/
Dashamirës të kuzhinës italiane në Prishtinë, përgatituni për të shijuar pasta, pica dhe sallata të shijshme, pasi Vapiano është...