Pas Juventusit, edhe Interi hyn në garë për Alissonin

Futboll

Gazeta Express

02/03/2026 20:02

Pas lidhjeve me Juventusin, tani raportohet se edhe Interi po konsideron një goditje për portierin e Liverpoolit dhe Brazilit, Alisson Becker.

Nuk është sekret që “Nerazzurrët” kërkojnë një portier të ri, pasi Yann Sommer ka 37 vjeç dhe kontrata e tij skadon më 30 qershor.

Zgjedhja e parë do të ishte portieri aktual i Tottenham Hotspurit, Guglielmo Vicario, por ekziston një opsion tjetër intrigues nga Premierliga.

Sipas gazetës “La Repubblica”, Interi po shqyrton gjithashtu situatën e Alissonit, duke marrë parasysh që ai flet italisht rrjedhshëm dhe ka një histori në Serie A me AS Romën.

33-vjeçari iu bashkua Liverpoolit në vitin 2018 për një shumë të madhe prej 72.5 milionë eurosh, vetëm dy vjet pasi Roma kishte paguar 8 milionë euro për ta marrë nga Internacional.

Kontrata e tij aktuale në “Anfield” skadon në qershor 2027, prandaj një rikthim në Serie A është plotësisht i mundshëm këtë verë.

Juventusi ishte përmendur më parë si destinacion për brazilianin, por Interi gjithashtu mund ta përballojë transferimin.

Alisson do të ishte dukshëm më i lirë se Vicario, i cili vlerësohet nga Spurs rreth 25 milionë euro./GazetaExpress/