Pas AFP, edhe CNN raporton se sot pritet nënshkrimi i marrëveshjes Ukrainë-SHBA për mineralet

Lajme

Gazeta Express

30/04/2025 15:23

Edhe mediumi amerikan “CNN” po raporton se Ukraina pret të nënshkruajë sot marrëveshjen për burimet natyrore me Shtetet e Bashkuara. Kështu ka thënë për CNN një burim i cili ka njohuri lidhur me çështjen.

Ministrja ukrainase e Ekonomisë, Yulia Svyrydenko, do të jetë më 30 prill në SHBA për të nënshkruar dokumentin, shtoi burimi.

SHBA-të dhe Ukraina janë përpjekur të arrijnë një marrëveshje për burimet natyrore që do t’i jepte Uashingtonit akses në pasuritë minerale të pashfrytëzuara të Kievit në këmbim të investimeve që kur Presidenti i SHBA-së, Donald Trump u kthye në pushtet./Express/