Parisi zhvillon garën e kameriereve

Fun

Gazeta Express

25/03/2024 22:00

Vizitorët në Paris janë befasuar me pamjen e qindra kamarierëve që ecnin rrugëve në një garë të veçantë për të shfaqur aftësitë në profesionin e tyre pak përpara Lojërave Olimpike.

Samy Lamrous dhe Pauline Van Wymeersch kanë përshkuar rrugën prej dy kilometrash në 13 minuta 30 sekonda dhe 14 minuta 12 sekonda, secili duke mbajtur një tabaka në dorë me kroasanë, kafe dhe një gotë ujë, duke u shpallur kështu fitues të garës.

“Ne e bëjmë këtë për 12 orë në ditë, duke përfshirë fundjavat dhe festat”, tha Van Wymeersch.

Bëhet e ditur se pjesë e garës kanë qenë 200 persona të cilët për detyrë e kanë pasur të ecin buzë lumit Seine me tabaka në dorë, shkruan yahoonews.

Juria duke gjykuar kohën e garuesve i numëronte edhe sa nga pijet e tyre kishin rënë gjatë rrugës, ndërsa qindra spektatorë të rreshtuar rrugëve duartrokitnin.

Përveç medaljeve, dy fituesit kanë marrë edhe një natë qëndrimi në një hotel të mrekullueshëm.

Ndryshe, fituesit e medaljeve do të jenë të ftuar edhe në ceremoninë e hapjes së Lojërave Olimpike më 26 korrik.