Paramediku zbulon trukun e thjeshtë të telefonit që mund t’ju shpëtojë jetën: ‘Duhet që ta bëni këtë’

Keshilla Mjekësore

Gazeta Express

29/05/2025 20:31

Një paramedik ka bërë thirrje publikut që të shfrytëzojë një veçori pak të njohur të telefonave të mençur, e cila mund të bëjë dallimin mes jetës dhe vdekjes.

Në një paralajmërim të postuar në TikTok, që deri tani është parë më shumë se 335,000 herë, punonjësi i emergjencës tha se përdorimi i veçorisë Medical ID në iPhone mund t’ju shpëtojë jetën.

Ky shërbim i telefonit të mençur — i cili mund të aksesohet përmes cilësimeve ose aplikacionit Health — përfshin futjen e informacionit jetik shëndetësor si alergjitë dhe medikamentet që jeni duke i përdorur.

Sipas paramedikut, kjo është thelbësore që mjekët ta dinë kur duhet të ofrojnë trajtim potencialisht jetshpëtues në vendin e ngjarjes.

Ata mund të mos jenë në dijeni të ndonjë alergjie të rrezikshme ndaj ilaçeve, ose të ndonjë ilaçi që tashmë jeni duke e përdorur dhe që mund të ndërveprojë me barnat që duhet t’ju japin.

“Sa herë ke dalë nga shtëpia vetëm me telefonin? Shkojmë në dyqan, shëtisim qenin, shkojmë në palestër — gjithçka me vetëm, me telefonin tonë,” tha punonjësja e NHS-it, e cila në TikTok njihet si @MummyNeeNaw.

“Por kjo do të thotë se kur, mos e dhëntë Zoti, ndodh diçka dhe ne vijmë, nëse ndodheni në një vend ku askush nuk e di kush jeni, as ne nuk e dimë kush jeni. Nëse ju ndodh diçka, na duhet të dimë nëse ka diçka për të cilën duhet të kemi kujdes teksa po ju ndihmojmë dhe trajtojmë. Është jashtëzakonisht e vështirë kur nuk dimë asgjë.”

Ajo gjithashtu i bëri thirrje njerëzve që të fusin në këtë veçori kontaktet e emergjencës, të cilat paramedikët do të përpiqen t’i kontaktojnë.

“Kam qenë në disa raste emergjente ndër vite, dhe dje isha në një rast ku një zotëri ishte në gjendje të rëndë dhe nuk dinim asgjë për të,” tha ajo në videon e saj. “Nuk kishte asnjë dokument identifikimi, asgjë.”

Nëna e dy fëmijëve tha se gjëja e parë që ajo zakonisht bën është të kontrollojë telefonin e pacientit për të parë nëse ka ndonjë informacion shëndetësor për të cilin duhet të jenë të vetëdijshëm.

Ajo tha: “Sa më shpejt që të kem mundësi, do ta marr telefonin e dikujt dhe do të hyj menjëherë në informacionin e tij emergjent. Nuk më duhet kodi PIN apo fytyra juaj për të hyrë në këtë informacion — dhe kjo mund të jetë ndryshim jetësor nëse e dimë çfarë ka aty.”

Krijimi i një Medical ID merr më pak se dy minuta, shtoi ajo.

Hap aplikacionin Health në telefon dhe kliko foton tënde në këndin e sipërm djathtas, pastaj zgjidh Medical ID.

@mummyneenaw Just a little request. It’s something so many people don’t know about or don’t think to actually do but it could be incredibly important. It takes a few minutes of your time and could make all the difference to you and your loved ones. It’s not my usual upload and I’m hoping people remember that in a world where you can be anything, always be kind. #fyp #nhs #ambulance #999 #viral #workingmom #ambulancedriver #ambulanceservice #emergency ♬ original sound – MummyNeeNaw

Prek Get Started ose Edit për të futur të dhënat shëndetësore.

Në këtë faqe mund të fusësh ilaçet që je duke marrë, alergjitë dhe gjendjet mjekësore ekzistuese, si dhe grupin e gjakut — që është i dobishëm në rast se nevojitet transfuzion gjaku.

Çfarë është më e rëndësishmja, ky informacion mund të aksesohet nga shërbimet emergjente edhe nëse telefoni është i bllokuar.

“Nëse ky video i bën dikujt të kontrollojë informacionin e vet, ose të fusë informacionin e prindërve në telefonin e tyre, atëherë ia vlen plotësisht,” shtoi ajo.

Në iPhone, kontaktet emergjente — së bashku me shërbimet emergjente — do të kontaktohen automatikisht kur aktivizohet veçoria SOS.

Për ta aktivizuar këtë, mund të shtypni dhe mbani të shtypur njëkohësisht butonin anësor dhe njërin nga butonat e volumit deri sa të shfaqen rrëshqitëset dhe të përfundojë numërimi mbrapsht i Emergency SOS, pastaj lëshoni butonat.

Kjo veçori është e disponueshme në të gjitha modelet e iPhone 14 e më të reja, dhe do të thotë se telefonat mund të lidhen direkt me satelit për të lajmëruar shërbimet emergjente për vendndodhjen tuaj.

Bisedat me ekipet e emergjencës mund të ndahen edhe me kontaktet tuaja emergjente të listuara, në mënyrë që ata të jenë të informuar me situatën.

Kjo vjen ndërkohë që hulumtime të reja sugjerojnë se fikja e lidhjes së internetit të telefonit për dy javë mund të rikthejë funksionin e trurit për deri në 10 vjet.

Në një studim kanadez, studiuesit kërkuan nga 400 pjesëmarrës të shkarkonin një aplikacion që çaktivizonte internetin në telefonin e tyre, por që lejonte thirrjet dhe mesazhet.

Rezultatet treguan se pas vetëm dy javësh, aftësia e pjesëmarrësve për t’u përqendruar në një temë u rrit aq shumë sa u bë e barabartë me përqendrimin e dikujt 10 vjet më të ri. /GazetaExpress/