Paraburgim për D.Z., dyshohet se e incizioi 15 vjeçaren dhe e kërcënoi se do ta publikojë nëse i tregon dikujt

Lajme

Gazeta Express

09/10/2025 11:14

Gjykata Themelore në Gjakovë ka njoftuar se i është caktuar një muaj paraburgim ndaj D.Z. të dyshuar për veprën penale “Dhunim”.

Ai dyshohet se nga muaji prill deri më 2 tetor të këtij viti ka realizuar takime me 15 vjeçaren dhe pa dëshirën e saj ka kryer akte seksuale.

D.Z më pas dyshohet se e ka incizuar dhe e ka kërcënuar se do ta publikojë nëse ajo i tregon dikujt dhe e detyron të takohet sërish me të.

“Sipas kërkesës, “Nga muaji prill 2025 deri më 2 tetor 2025 në Gjakovë, i pandehuri, përmes komunikimit në rrjetin social Snapchat, ka realizuar takime me të miturën (e lindur 2010), gjatë të cilave takime pa pëlqimin e saj ka kryer akte seksuale-orale. I pandehuri e incizoi të dëmtuarën gjatë aktit dhe më pas e kërcënoi se do ta publikonte incizimin nëse i tregonte dikujt, duke e detyruar që të takohej përsëri me të.”

“Gjykata ka vlerësuar se janë përmbushur kushtet ligjore për caktimin e masës së paraburgimit për të pandehurin në fjalë, ngase kemi të bëjmë me vepër penale të ndjeshme, ashtu që me gjetjen e mundshme të të pandehurit në liri, ekziston mundësia reale që i njëjti të pengojë në rrjedhën e procedurës penale duke ju shmangur drejtësisë, duke ndikuar në dëshmitarë, apo duke e përsëritur veprën penale. I pandehur do të mbahet në paraburgim në kohëzgjatje prej një muaji, i cili do të llogaritet prej kohës së arrestimit më 7 tetor 2025 dhe do të zgjasë deri më 6 nëntor 2025. Palët kanë të drejtën e ankesës ndaj këtij vendimi në Gjykatën e Apelit të Kosovës.”