‘‘Para Ramës e Vuçiqit’’, gazetari Martens: Kurti në 2023 kërkoi anëtarësimin në Tregun Evropian si hap para hyrjes në BE

Lajme

Gazeta Express

27/02/2026 22:46

Gazetari i gazetës gjermane “FAZ”, Michael Martens, përmes një postimi në rrjetin social ‘’X’’, ka thënë se edhe kryeministri i Kosovës, Albin Kurti, e ka ‘’mbrojtur’’ idenë e anëtarësimit të vendeve të Ballkanit në Tregun Evropian.

Marten thekson se këtë Kurti e kishte bërë në vitin 2023, para kryeministrit shqiptar Edi Rama, dhe presidentit serb Aleksandar Vuçiq.

‘’Ideja se anëtarësimi në tregun e vetëm evropian është thelbësor për vendet kandidate që nuk do të lejohen të anëtarësohen në BE në të ardhmen e parashikueshme nuk është e re në mesin e politikanëve. Para Edi Rama dhe Aleksandar Vučić sot në Frankfurter Allgemeine Zeitung (FAZ), këtë ide e kishte mbrojtur Albin Kurti në vitin 2023’’, ka shkruar Martens, përcjell Express.

Ndryshe, në një postim të mëhershëm, gazetari gjerman i ka bërë një analizë opinionit të përbashkët të shkruar nga Rama e Vuçiq, të cilët kanë argumentuar për anëtarësimin e vendeve ballkanike në tregun europian dhe shengen.

The idea that membership in the European single market is crucial for candidate countries who will not be allowed to join the EU in the foreseeable future is not new among politicians. Before Edi Rama & Aleksandar Vucic today in FAZ, Albin Kurti argued for it in 2023. https://t.co/6iV1FyrnMf

— Michael Martens (@Andric1961) February 27, 2026