Pandemia e Covid-19 rrezikon të ardhmen e fëmijëve, nga mungesa e zhvillimit të afësive deri te shëndeti mendor - Gazeta Express

Shqiperi

Gazeta Express

17/01/2021 10:03

Pandemia e Covid-19 rrezikon të ardhmen e fëmijëve, nga mungesa e zhvillimit të afësive deri te shëndeti mendor

Shqiperi

Gazeta Express

17/01/2021 10:03

Kur fëmijët dhe adoleshentët e sotëm të rriten, a do ta shohin ata veten si një “brez i humbur”, jeta e të cilëve do të mbetet në hijen e një pandemie globale?

Mbylljet e shkollave është ndër masat me të forta që po prek të rinjtë. Sipas UNESCO, 90% e fëmijëve të botës, është shkëputut nga të bërit mësim fizik, duke kaluar online. Në shumicën prej vendeve, ende nuk ka plane të caktuara për hapjen e shkollave, shkruan BBC.

Ka pasur shumë debate nëse shkolla ndikon apo jo në përhapjen e virusit. Sipas Richard Armitage, ekspert i shëndetit publik në Universitetin e Nottingham, është ende herët për të menduar hapjen e shkollave.

Ky përfundim i tij vjën pasi transmetimi është më i lartë në ambiente të brendshme të mbushura edhe pse rreziku për fëmijët mund të mos jet kaq i lartë. Ç’është më e rëndësishmja, fëmijët mund të bëhen bartës që transmetojnë virusin tek anëtarët më të rrezikuar të shoqërisë, siç janë gjyshërit e tyre.

Përpos mungesës së bankave të shkollës, karantina për ta mund të ketë disa pasoja serioze, duke vonuar zhvillimin e tyre njohës, emocional dhe shoqëror.  Mund të ndikojë në periudhat më kritike të adoleshencës, madje mund të rrisë rrezikun e sëmundjeve mendore.

Disa ekspertë, të tillë si Wim Van Lancker, një sociolog në Universitetin e Leuven në Belgjikë, shkojnë aq larg sa e përshkruajnë dëmin që pandemia ka tek fëmijët si ” një krizë sociale në proces “.

Nëse shkollat ​​nuk rihapen deri në shtator, shumë fëmijë do të kenë kaluar më shumë se 20 javë rresht larg shkollës, një kohë shumë distancuese larg arsimit, që do të thotë se qeveritë nuk duhet të rrezikojnë shumë. Duke pasur parasysh që koha e kaluar në arsim duket se formon IQ (inteligjencën) e fëmijëve  kjo mund të rezultojë në efekte serioze, gjatë gjithë jetës në aftësinë e tyre njohëse. Pavarësisht këtyre, problemet që mund t’i prekin ata nuk mbarojnë me kaq.

Hendeku midis fëmijëve

Jo të gjithë fëmijët do të preken në të njëjtën mënyrë, duke bërë që disa ekspertë të frikësohen se kjo do të zgjerojë hendekun (tashmë shumë të rëndësishëm) në arritjet arsimore midis familjeve më të pasura dhe më të varfra. 

Shëndeti mendor

Zhvillimi intelektual i fëmijës mund të jetë viktima më e dukshme e këtyre ndërprerjeve. Mësuesit shpesh janë njerëzit e parë që vërejnë përkeqësimin e shëndetit mendor në mesin e studentëve të tyre dhe për t’i inkurajuar ata që të kërkojnë trajtim, dhe shumë shkolla ofrojnë këshillim dhe psikoterapi në vend. Për shembull, në SHBA., rreth 13% e adoleshentëve marrin kujdes shëndetësor nga shkollat ​​e tyre . Në të vërtetë, 35% e adoleshentëve kannë nevojë që trajtohen për çështje të shëndetit mendor, ndërsa shkollat ​​janë burimi i vetëm i mbështetjes për problemet e tyre.

Në përgjithësi, fëmijët me më shumë vëllezër dhe motra duket se zhvillojnë aftësi shoqërore me një shpejtësi më të shpejtë, kështu që mund të ndodhë që vetëm fëmijët të preken më keq.

Nuk ka zgjidhje të lehtë

Nuk ka zgjidhje të lehta për këto çështje. Për të parandaluar zgjerimin e pabarazive në arsim, mësuesit duhet të ofrojnë alternativa për punën që kërkon një kompjuter ose lidhje interneti, për shembull. “Mësuesit duhet të jenë të sigurt se fëmijët janë në gjendje të përmbushin detyrat e tyre, edhe në kushte të privuara“, thotë eksperti Van Lancker.

Vetëm me një përpjekje e  përbashkët nga prindërit, mësuesit, punonjësit socialë, psikiatrit dhe politikanët mund të jemi të sigurt se fëmijët e të gjitha klasave mund të dalin nga kriza të gatshëm për të përballuar dhe lulëzuar në botën pas-Covid-19.