Pançevski i dënuar për keqpërdorimin e AKMIS u eliminua nga gara për kryeprokuror të RMV-së, tre të tjerë morën mendim pozitiv

Maqedoni

Gazeta Express

17/02/2026 16:01

Këshilli i Prokurorëve, arriti në përfundimin se Vlladimir Pançevski, dikur i dënuar për keqpërdorim të sistemit AKMIS,  nuk i plotëson kushtet ligjore, sepse nuk ka përvojë pune të pandërprerë prej të paktën 10 vitesh, që është parakusht për t’u vlerësuar si kandidat për pozicionin e Ljupço Kocevskit të shkarkuar. Ndërkohë, katër kandidatë për prokuror publik republikan, prokurorja në detyrë Anita Topolova Isajlovska, prokurorët Lidija Raiçeviq dhe Lençe Ristoska, dhe gjyqtari Nenad Saveski, morën mendim pozitiv nga Këshilli i Prokurorëve Publikë.

Pasi Këshilli skualifikoi unanimisht ish-gjyqtarin e shkarkuar Vladimir Pançevski, anëtarët pothuajse unanimisht dhanë mendim pozitiv për të gjithë kandidatët dhe ia kaluan topin Qeverisë për prokuror të ri publik republikan.

Nëntë anëtarë të Këshillit të Prokurorëve Publikë besojnë se Lidija Raiçeviq duhet të zgjidhet si Prokurore Publike e Republikës dhe i dhanë vlerësim pozitiv, ndërsa vetëm anëtarja Keti Petkova ishte kundër.

Lençe Ristovska mori mbështetje unanime, për të cilën dhjetë anëtarët votuan “pro”, pra dhanë mendim pozitiv. Një vlerësim pozitiv nga të gjithë dhjetë anëtarët mori edhe gjyqtari i Gjykatës Penale të Shkupit, Nenad Savevski.

Prokurorja Publike Shtetërore në detyrë Anita Topolova-Isaylovska gjithashtu mori mendim pozitiv. Seanca dëgjimore për kandidaturat është duke vazhduar.

Këshilli do t’ia paraqesë mendimet e arsyetuara Qeverisë, e cila duhet të zgjedhë një nga katër kandidatët. Me këtë, Këshilli i Prokurorëve Publikë, si një organ ekspertësh që monitoron punën e prokurorëve, nuk zgjodhi një kandidat bazuar në ekspertizën e tyre, por tani Qeveria mund të zgjedhë këdo që dëshiron nga këta katër kandidatë.

Kujtojmë se në vitin 2022, Gjykata e Apelit të Shkupit konfirmoi dënimin me burg të ish kryetarit të Gjykatës Penale të Shkupit, Vlladimir Pançevski. Pançevski u dënua me 2 vjet e gjysmë burg për keqpërdorim të detyrës dhe autorizimit zyrtar, gjegjësisht keqpërdorimit të sistemit elektronik për shpërndarjen e lëndëve të quajtur AKMIS.

Më 29 shtator të vitit 2021 Gjykata e Apelit në Shkup vërtetoi dënimin në fuqi me burg për Pançevskin, por ndërkohë pranoi ankesën për uljen e dënimit nga 3.5 vjet në 2.5 vjet. Ai fillimisht u shpall fajtor nga gjyqtarja Valentina Gjorgjievska për veprën penale Keqpërdorim të pozitës zyrtare kur si kryetar i gjykatës, në periudhën nga 2013 deri në 2016, sipas aktakuzës për gjithsej 45 raste iu ka ndarë gjyqtarëve të caktuar në dorë lëndë gjyqësore, dhe jo përmes sistemit AKMIS.

Njëri prej tyre pritet të pasojë Ljupço Kocevskin, i cili paraqiti ndorëheqje të parevokueshme nga pozicioni i tij në dhjetor të vitit të kaluar, pak para fillimit të seancës parlamentare në të cilën deputetët do të debatonin dhe votonin mbi propozimin e Qeverisë për shkarkimin e tij.

Në vend të tij si prokuror publik shtetëror në detyrë, Këshilli i Prokurorëve Publikë emëroi prokuroren Topollova-Isajlovska, e cila, sipas ligjit, nuk mund të mbajë pozicionin e kryeprokurorit në detyrë për më shumë se gjashtë muaj.

Më 29 korrik, Parlamenti votoi për interpelancë në lidhje me punën e Ljupço Kocevskit, dhe ai deklaroi se nuk do të jepte dorëheqjen nga posti i tij, por do t’i përkushtohej edhe më shumë punës së tij.

Pas tragjedisë në Koçani, kryeministri Hristijan Mickoski kishte njoftuar për pezullimin e procedurës për shkarkimin e Kocevskit, duke pasur parasysh hetimin e gjerë që po zhvillohet në lidhje me rastin.

Por, më 16 dhjetor 2025, Kuvendi i Maqedonisë vendosi ndërprerjen e funksionit të Prokurorit Publik të Maqedonisë për Ljupço Kocevskin. Ai paraqiti dorëheqje të parevokueshme në ditën kur Kuvendi do të shqyrtonte propozimin e Qeverisë për shkarkimin e tij. Deri në zgjedhjen e prokurorit të ri shtetëror, pozicionin e mban prokurorja Anita Topolova Isajlovska, e cila u zgjodh më 22 dhjetor nga Këshilli i Prokurorëve Publikë.