Pamje të bunkerit në Ulpianë që po rinovohet për t’u bërë Qendër Arti dhe Kulture

Lajme

Gazeta Express

11/07/2025 18:08

Bunkeri në lagjen Ulpianë të Prishtinës po merr një pamje të re. I njëjti po rinovohet për t’u kthyer në një Qendër Arti dhe Kulture, që pritet të hapet në shtator të këtij viti.

UNDP Kosova njofton se y projekt është pjesë e iniciativës për Industrinë Kreative, të mbështetur nga Ambasada e Luksemburgut në Prishtinë dhe realizohet në bashkëpunim me UNDP Kosova dhe Drejtorinë e Kulturës të Komunës së Prishtinës.

Sipas organizatorëve, hapësira e re synon të krijojë mundësi të reja për zhvillim artistik, inovacion kulturor dhe përfshirje të komunitetit. Transformimi i bunkerit shihet si pjesë e një plani më të gjerë për të fuqizuar ofertën kulturore dhe zhvillimin lokal në kryeqytet.