Pamje nga sulmi që Izraeli kreu mbi Iranin: Goditet reaktori bërthamor, vriten gjeneralë

Lajme

Gazeta Express

13/06/2025 7:19

Izraeli kreu një sulm të madh ajror në kompleksin bërthamor Natanz të Iranit mbrëmë.

Sulmi siç u tha, është pjesë e një operacioni ushtarak të quajtur “Rising Lion” që synon, sipas kryeministrit izraelit Benjamin Netanyahu, “neutralizimin e kërcënimit ekzistencial” që paraqet programi bërthamor i Iranit.

Televizioni shtetëror iranian IRINN raportoi se sulmi izraelit vrau gjeneralin Mohammad Bagheri, shefin e shtabit të Forcave të Armatosura Iraniane dhe zyrtarin më të lartë ushtarak të vendit.

Bagheri është figura e dytë e lartë ushtarake që dihet se është vrarë në sulmet e paprecedentë izraelite gjatë natës ndaj Iranit. Më parë, media shtetërore iraniane raportoi se u vra edhe gjenerali Hossein Salami, komandant i Korpusit të Gardës Revolucionare Iraniane (IRGC).

🇮🇱🇮🇷 Footage coming in from #Israel's strikes against #Iran's regime, including in Tehran.

We don’t want to be dragged into another war. #Israel #Iran #USA #BreakingNews pic.twitter.com/enQGfEqzxz

— Redblack News (@NewsRedblack) June 13, 2025

Kryeministri Benjamin Netanyahu vlerësoi forcat izraelite për kryerjen e një “sulmi fillestar të suksesshëm”.

Deri më tani, personat e mëposhtëm janë konfirmuar të vdekur:

Hossein Salami, komandant i Korpusit të Gardës Revolucionare Iraniane (IRGC)

Gholamali Rashid, Komandant i Shtabit të Përgjithshëm të Khatam-al Anbiya

Fereydun Abbasi, shkencëtar bërthamor dhe ish-kreu i Organizatës së Energjisë Atomike të Iranit

Mohammad Mehdi Tehranchi, një fizikant bërthamor i lidhur me programin e zhvillimit të armëve bërthamore të Iranit

Mohammad Bagheri, Shef i Shtabit të Përgjithshëm të Forcave të Armatosura të Iranit

Gjithashtu, sipas burimeve iraniane, Ali Shamkhani, një këshilltar i lartë i Udhëheqësit Suprem Ajatollah Ali Khamenei, u plagos rëndë.

⚡️🇮🇷🇮🇱 – Images des dégâts causés cette nuit à Téhéran par l’agression israélienne en Iran. https://t.co/VtTcxPipXu pic.twitter.com/fVsZtso4wx

— The New Resistance (@TNewResistance) June 13, 2025