Pamje nga burgu, Ilir Meta ecën në ambientet e ajrosjes

Lajme

Gazeta Express

21/01/2025 7:11

Prej gati tre muajsh, kreu i Partisë së Lirisë, Ilir Meta, ndodhet në burgun “313” në Tiranë.

Gazetari Bledi Mane ka siguruar një video ku shihet ish-presidenti duke bërë ecje në ambientet e ajrosjes së burgut, në oborrin e brendshëm.

Meta, i njohur për pasionin e tij për natyrën dhe ngjitjet malore, duket se po mundohet të ruajë regjimin e tij stërvitor edhe në kushtet e izolimit.

Arrestimi i tij u krye në tetor të vitit të kaluar me urdhër të SPAK, ku ai akuzohet për korrupsion, pastrim parash dhe lobim në Shtetet e Bashkuara të Amerikës.

Këto akuza kanë shkaktuar një valë debatesh dhe reagimesh në arenën politike shqiptare.