Pamje: Miu futet në kuvend, deputeti hip me gjunjë në karrige nga frika - Gazeta Express

Pamje: Miu futet në kuvend, deputeti hip me gjunjë në karrige nga frika

Lajme

Gazeta Express

22/07/2021 13:15

Pamje qesharake vijnë nga kuvendi rajonal i Andaluzisë në Spanjë. Ka mjaftuar lëvizja e një miu në sallë që deputetë e deputete të fillojnë të ngrihen e të ikin të tmerruar.

Në momentin kur merret vesh se në sallë po lëviz një mi, udhëheqësja e seancës në mënyrë instinktive e mbyll gojën me dorë, ndonëse kishte maskë në fytyrë.

Pak sekonda më pas, një deputete shihet duke ikur me vrap, ndërsa një deputet i vendos dy gjunjët në ulëse për të mos prekur në dysheme nga frika, transmeton Gazeta Express.

Sidoqoftë, duket se një deputete nuk kishte frikë nga brejtësi, sepse ajo nuk u ngrit nga karrigia dhe dukej se po habitej me panikun e kolegëve.