Bersant Celina mund ta ketë shënuar golin më të mirë në karrierë kundër Crewe të dielën.
Përfaqësuesi i Kosovës Celina shënoi gol për Ipswich Town kundër Crewe në një ndeshje të League One, kategorisë së tretë të futbollit anglez, raporton Gazeta Express.
Ai e paraboloi portierin me një goditje nga cepi i zonës, nga ku zakonisht bëhen harkime në zonë.
Welcome back Bersant ??#itfc pic.twitter.com/u2nB1DEinH
— Kev Ellis (@suffolkev) November 28, 2021
25-vjeçari shënoi në minutën e fundit të kohës shtesë në pjesën e parë, duke e çuar në 2:0 epërsinë e vendasve.
Ky ishte goli i katërt i Celinës në 13 ndeshje këtë sezon në kategorinë e tretë të futbollit anglez.
Për më tepër, ai i ka bërë edhe tri asiste në ligë këtë sezon.
Kjo do të ishte fitorja e parë e Ipswichit pas dy humbjeve dhe një barazimi në tre ndeshjet e fundit.
Ipswichi do të ngrihej në vendin e 11-të me 27-të pikë me këtë fitore, shtatë pikë larg play-off për t’u promovuar në Championship sezonin e ardhshëm, kategorinë e dytë të futbollit anglez.
Mesfushori sulmues nga Prizreni iu ribashkua klubit nga Suffolk në një marrëveshje huazimi nga Dijoni në verën e kaluar.
Celina e ka rimarrë veten plotësisht, pas një telashi me zemër që e kishte në verë si pasojë e infektimit me koronavirus, kur mungoi në fillim të sezonit me Dijonin në kategorinë e dytë të futbollit në Francë./Gazeta Express/