Pa marrëveshje me Digitalb, ISP vazhdon të ritransmetojë në mënyrë të paligjshme (VIDEO)

Lajme

Gazeta Express

21/07/2025 20:22

Kanalet televizive nga Kosova e Shqipëria i posedon nga i pari e deri tek i fundit.

E madje edhe shtrirjen e rrjetit e ka zgjeruar në shumicën e qyteteve të Kosovës.

Mirëpo ajo cka ISP Broadcasting i mungon është licensa për këto kanale e këtë shtrirje.

Nga KPM-ja, kjo kompani ka marrë vetëm licensën lokale mirëpo jo edhe atë rajonale.

Fakti që veprimtaria e kësaj kompanie në këto zona po operon ilegalisht, nuk po zbraps asnjë moment tentimin e tyre për të bindur qytetarët për shërbimet e tyre.

Që gjithcka të jetë faktike, KIKS Kosova nën petkun e qytetarit që ka nevojë për këto shërbime, merr në telefon këtë kompani.

Pa hezitim, nëpërmjet kësaj telefonate KIKS-it i pohohet se operimi i tyre është në dispozicion edhe në qytetin e Prishtinës e Fushë Kosovës.

Si një qytetar i interesuar për shumë informacione, vazhdon biseda edhe për kanalet që kjo kompani posedojnë.

Në bisedë me KIKS-in, zyrtarja e kësaj kompanie informon se posedojnë edhe kanalet Digitalb, ani pse kontratë lidhur me këtë shërbim nuk nënshkruan tash e një vit.

Se marrëdhëniet kontraktuese me platformën televizive Digitalb janë të shkëputura që nga prilli i kaluar, e pohojn edhe vetë përfaqësuesit e kësaj platforme.

Në një njoftim që kjo platformë i ka bërë KPM-së, thuhet se bashkëpunimi ka përfunduar para një viti dhe se cdo përdorim i kanaleve nga ISP-ja bie ndesh me ligjin

KIKS-i gjatë bisedës parashtron pyetje edhe për kanalet e televizioneve kosovare.

Gjatë bisedës telefonike, zyrtarja e kësaj kompanie mohon se posedojnë transmetimin e televizioneve Klan Kosova, Televizionit 7 dhe Dukagjinit.

Në informatat që ofron, nga kjo telefonatë na thuhet se së shpejti listës së kanaleve do i shtohet edhe Klan Kosova sepse janë në bisedime për një marrëveshje të tillë.