OVL-UÇK takojnë zyrtarin e zyrës së BE-së në Kosovë: Kërkuam që shqetësimet tona me Specialen t’i përcjellë tek shtetet anëtare

Lajme

Gazeta Express

14/08/2025 17:16

Sot, një delegacion i Organizatës së Veteranëve të Luftës së Ushtrisë Çlirimtare të Kosovës është pritur në takim nga Jarmo Helppikangas, shef i Njësisë për Sundimin e Ligjit, Çështjet Ligjore dhe të Drejtat e Njeriut në Zyrën e Bashkimit Evropian në Kosovë.

Kështu ka bërë të ditur OVL UÇK nga ku është shtuar se Helppikangas ka dëgjuar shqetësimet e tyre lidhur me Gjykatën Speciale.

”E falënderojmë z. Helppikangas për gatishmërinë për të na dëgjuar dhe kërkuam nga ai që këto shqetësime t’i përcjellë tek të gjitha shtetet anëtare të Bashkimit Evropian”, thuhet mes tjerash në postim.

Postimi:

Sot, delegacioni i OVL UÇK-së u prit nga Z. Jarmo Helppikangas, Shef i Njësisë për Sundimin e Ligjit, Çështjet Ligjore dhe të Drejtat e Njeriut, në Zyrën e Bashkimit Evropian në Kosovë, për të na dëgjuar shqetësimet tona lidhur me Gjykatën Speciale.

E falënderojmë z. Helppikangas për gatishmërinë për të na dëgjuar dhe kërkuam nga ai që këto shqetësime t’i përcjellë tek të gjitha shtetet anëtare të Bashkimit Evropian.

Vlerësojmë rolin dhe kontributin e Bashkimit Evropian në forcimin e sundimit të ligjit dhe mbrojtjen e të drejtave të njeriut në Kosovë.