Osmani pret në takim Avokatin e Popullit – Flasin për të drejtat e njeriut dhe sfidat e qytetarëve

Lajme

Gazeta Express

18/07/2025 18:35

Presidentja e Kosovës, Vjosa Osmani, sot ka pritur në takim priti Avokatin e Popullit, Naim Qelaj.  Në njoftimin e bërë nga presidenca bëhet e ditur se në takim ata kanë diskutuar për gjendjen aktuale të të drejtave të njeriut në vend dhe sfidat me të cilat përballen qytetarët e Kosovës, shkruan Gazeta Express.

Në njoftim shtohet edhe se presidentja ka theksuar rëndësinë e bashkëpunimit të ngushtë mes institucioneve për garantimin dhe promovimin e të drejtave të njeriut për të gjithë qytetarët.

Komunikata:

Presidentja Osmani priti në takim Avokatin e Popullit, z.Naim Qelaj

Presidentja e Republikës së Kosovës, Vjosa Osmani, priti sot në takim Avokatin e Popullit, z. Naim Qelaj. Në këtë takim u diskutua për gjendjen aktuale të të drejtave të njeriut në vend dhe sfidat me të cilat përballen qytetarët e Republikës së Kosovës.

Presidentja Osmani theksoi rëndësinë e bashkëpunimit të ngushtë ndërinstitucional dhe ndërkombëtar për garantimin dhe promovimin e të drejtave të njeriut për të gjithë qytetarët, pa dallim. Ajo theksoi se institucionet duhet të jenë të përkushtuara në zbatimin e rekomandimeve të Avokatit të Popullit, si mjet kyç për forcimin e sundimit të ligjit dhe avancimin e të drejtave të njeriut.

Avokati i Popullit e informoi Presidenten për çështjet më të shpeshta që adresohen në këtë institucion. Të dy palët u pajtuan për domosdoshmërinë e vazhdimit të bashkëpunimit në funksion të mbrojtjes së të drejtave themelore të njeriut në Kosovë.